Trotz au dene Widrigkeite uf dr Wäut isches üs o im letschte Jahr wieder mit de verschiedenschte Events glunge, mau wieder usem Autaags-Trott uszbräche u eifach zäme e gueti Zyt z'verbringe. Mir si bir zwöite Usgab vom Freestyle-Event wieder planlos dür d'Gägend glaueret, hei bim SpecialEvent i de Höger scho dr Grundstei fürne nächschte Event gleit, si wieder mau is Exodus u hei schlussändlech bim Chehr d'Burgdorfer e chli verunsichert.
Das het natürlech gnue Stoff u o früschi Idee fürs diesjährige Motto genereriert. Dr üblech Kandidat "O i däm Jahr näme mir..." isch zwar o wieder umegeischteret aber es het tatsächlech mau nöii Sache gä! O d'Chiubigigle chöi sich wieter entwickle u schlussändlech hät sogar es spontans "Pyjama-Gedicht" no fasch üses diesjährige Motto übertrumpft. Aber zum Glück de doch nid, wiu...
Es het scho fasch öppis poetischs! Luege mir doch dass d'Stärnä am Himmu nid verblasse u näme eifach wieder es paar...